NSF-i KPA Principal dak teka sangshiba aitsür

Dimapur, August 12 (TYO) : August 7, 2015 nü nisung kari Kheloshe Polytechnic Atoizu, Zunheboto Principal dak teka sangshiba Naga Students’ Federation (NSF)-i kukua aitsür, ta NSF Secretary Education, Imtiyapang-i sangdong ka nung metetdaktsü.
Ibala tashiyim mapa inyakba ajanga asen lokti nung yimjung atema mapa inyakba nung tetsükdaktsü bener arutsür aser ozüng amertemi iba mapa inyakertem nem tapet temerenshi agütsütsü akhanger, ta NSF sangdong nungsa shia lir.