NSF-i lungkak aitba anentsü lemtetogo

Dimapur, Feb. 26 (TYO): Manipur sorkari NSF-i akangbatem atema telangzüba tajung agütsüba sülen tanü Hokolbar anüngdang 11:45 ako nungi Naga Students’ Federation (NSF) office-i lungkak aitba anentsü lemtetogo, ta NSF sangdong ka ajanga metetdaktsü.
NSF-isa Manipur sorkari nangzükba ama mapa küma inyaktsü imlar aser amanger, ta sangdong nung shia lir.
“Federation-i Manipur Assembly nung Gaikhangam, RK Imo aser Biren Singh nungeri jembiba aitsür. Parnoki parnoksasa parnokji shiba’ar jungkai adoka sayuogo. Parnoki lokti tsüngda ken o kümdaktsür (police tem) kümzüka ayu aser timtem ajangshirtem (NSF) anema parnoki jembi. Iba ken o mezüng kin o kin tsüngda kümdaktsürji NSF masü saka parnok liasü,” ta NSF sangdong nung shia lir.
Mapang telatet ka makai mokdangba takok ngua katettsüsa lokti tentettemi nungitba den külemi NSF nung Federating Units aser Subordinate bodies den temulunger shirnokisa anibelem arema yariogo nenok ajak dang NSF-i pelar.
Iba mokdangba sentong agidang nüburtem nem timtem agütsüba atema sasa bilemer, ta NSF sangdong nungsa ashi.