NSF-i Manipuri nunger garitem mesenzükdaktsütsü

Kohima, February 22 (TYO) : February 24, 2016 anepdang nungi tenzüka Naga Students’ Federation (NSF)-i Manipuri (Meitei) nunger indang gari ajak noktangtsü.
Hombarnü NSF conference hall nung rongdak Presidential Council senden ka amendang iba telemtetba agi.
February 16 nü NSF-i Manipur sorkar nem tezüluba ka nung takhangba kar agüja liasü aser tanü senden nung iba dak sendakba onüktem kanga junga lemtepba sülen Manipuri (Meitei) nunger indang gari noktangtsü telemtetbaji agi, ta NSF tir Subenthung Kithan aser tongti tezülur Boveio Poukai Duo nati sangdong ka nung metetdaktsü.
February 23, 2016 ayaterm tashi nung Manipur sorkari takhangbatem magizükra February 24 anepdang 6:00 ako nungi tenzüka Naga nunger aliba tesem ajak nung Meitei/Manipuri nunger indang gari mesenzüdaktsütsü ta NSF-i telemtetba agi.
NSF-isa Naga nunger garitem Meitei/Manipuri nunger alidak kümdanga senzütsü olen ka metetdaktsü.