NSF-i medical seat atema metetdaktsür

Dimapur, October 20 (TYO) : State sorkari Md. Inzamul Hoque Talukdar nem seat kecha melemzüktsü aser tarutsü nunga melemzüktsütsü ta Naga Students’ Federation-i jangjashitsüogo.

Linük nung medical institutions atema admission tatembangba anogo süiogo aser taküm atema seat ajak Naga nunger nem dang lemzüktsü. Ano seat talila kar lemzüktsüra itemji waiting list nung aliba Naga nunger nem agütsütsü, ta NSF Secretary Education, Imtiyapang-i sangdong ka nung ashi.

Federation office dangi iba osang aruba sülen nungi NSF-i bangdakpur den inyaka aruogo. Naga nunger tajangzük angutsü dak sendakba ashishitep ken o ajak nung NSF-i kodanga tangar kübok maitsü ta nenshia metetdaktsür, ta NSF Secretary Education-isa sangdong nung metetdaktsü.