NSF-i Naga nunger HSLC toppers tushitsü

Dimapur, May 21 (TYO): June 3, 2016 nü Zonal Council hall Kohima nung Naga Students Federation (NSF)-i HSLC tematiba 20 nung takok anguba Naga nunger kaketshirtem nem tetushi agütsüba sentong ka ayongzüka agitsü.
Iba sentong ya anüngdang 11:00 ako nung agitsü, anungji kaketshirtem aser tsüraburtem ajak iba sentong nung arua adentsü mepishir, ta NSF Secretary Education, Imtiyapang-i sangdong ka nung metetdaktsü.
Iba sentong dak sendakba nung osang metetpelanürtemi mobile number – 9856082145/8413847736 nung tongteprateptsü akok.
NSF-isa taküm HSLC aser HSSLC tatidang nung takok anguba kaketshir ajak nem tenüngsang agütsür aser maneni tarutsü nunga takok angutsü atema merangtsü ayongzüker, ta sangdong nungsa shia lir.
Nagaland Board of School Education (NBSE)-i mapang shitak nung result metetdaktsüba ajanga kaketshirtem tetsükdaktsü kecha melii zünga aotsüsa maongka nguogo, aser iba atema NBSE nema tenüngsang agütsür, ta Imtiyapang-isa metetdaktsü.