NSF-i sorkar dang mepishir

Dimapur, January 29 (TYO) : Naga Students’ Federation (NSF)-i sangdong ka nung, Urban Local Bodies (ULB) atema sorkari khen meyipa reprangshitsü aser ajak den asüngdangya asüba sülen ang election agitsü atema telemtetba agitsüla ta metetdaktsüogo.
Naga Hoho aser kin telok balalai ULB election magidaktsütsü ta anema nokdakba asoshi sorkari kin teloktemi benokba onüktem agizüka angadangtsüla, ta NSF President Subenthung Kithan aser Asst. General Secretary, Kesosul Christopher Ltu nati sangdong nung shia lir.
NSF-isa lokti tentettem dang tashiyim agi masü saka timi dang mepelaba sayutsü atema ayongzüker, ta mendenpurtemisa metetdaktsü.

You must be logged in to post a comment Login