NSF-i state sorkar anema lungkak aiter

Dimapur, October 30 (TYO): Nagaland state sorkari Staff Selection Board (SSB) ka metentetba anema Naga Students’ Federation (NSF)-i lungkak aitba mezüngbuba shilem tenzükogo.
Iba sentong nung kaketshirtem aser public-i yaritepba atema kanga pelar, ta NSF Vice President Dievi Yano aser General Secretary Liremo R Kikon nati sangdong ka nung ashi.
School, college aser university balala nungi kaketshirtemi black band/badge agir state sorkar dang mepelaba sayuogo. Iba sentong ya maneni agiyonga aotsü aser state sorkari iba onük atema mapa kecha meinyakra, NSF-i lungkak aitba tanabuba shilem tenzüktsü, ta mendenpurtemisa metetdaktsüogo.
NSF-isa kaketshirtem aser public dang alizüng matong tashi yariteptsü atema mepishir, ta tenatisa shisem.