NSF-i tesayurtem dang pelar

Dimapur, September 4 (TYO): Naga nunger aliba litsü ajak nung tesayurtem dangi Teacher’s Day salem abener ta Naga Students’ Federation (NSF)-i metetdaktsü.
Tesayurtemi kaketshirtem dang mapang shitak amshitsü, ochishitsü, merangtsü, nendaka inyaktsü aser tanga yimya tajungtem sayuba atema kanga pelar, kechiyong kaketshirtem dak item tangatetba ali nung dang tebilemtsü abenba senso ka ka akümtsü, ta NSF-i ashi.
Naga nungeri tarutsü tajung ka aginüba mapang takok aser bendanga agütsüba tesayurtem nüngdaker. Loktiliba tajung ka yangertsübaji shisaliok reju tajungtem dak keta lir, ta parnokisa ashi.