NSF-i text books atema metetdaktsür

Dimapur, May 16 (TYO) : School Education Department nungi shidi ka nung, department godown nungi school ajak nem text books lema agütsüogo ta shiogo, ta NSF, Secretary Education, Imtiyapang-i sangdong ka nung metetdaktsü.
Anungji, Nagaland nung text book manguba school temi NSF office den tsünglanglen agüja aliba mobile number tem ajanga osang metetdaktsütsü metetdaktsür. Ano, NSF kübok aliba unit aser yaritepa telok ajaki pei pei telongtet nung aliba school tem nungi osang metetpelatsü tetuyuba agütsür, ta NSF, Secretary Education-isa sangdong nung shia lir.