NSF Martyrs Trophy : Mele FC aser Gaziphema FC na pre-quarter final-i iogo

Kohima, Mongputeni/October 21, 2021 (TYO): Indira Gandhi Stadium nung Angami Students’ Union ajanga ayongba 21st NSF Martyrs’ Memorial football asayamung nung, Mele Football Club Noklak aser Gaziphema Football Club Manipur nati pei pei tata asaya takok anguba sülen, team anaprongla pre-quarter final tongogo, ta sangdong ajanga metetdaktsü.

Hokolbarnü, mezüng match nung, Mele FC Noklak-i goal 4-2 agi Khuzama United tsükdaktsü.

Iba asaya nung Mele FC, Noklak atema Zaiphu-i goal ana idaktsü aser Kuzhama United atema Zevito Khizho aser Zayiese Sale nati goal ka ka inoktsü. Team anaprongla goal 2-2 alidang, tia makai Khuzama nungi asayar kati par telok indang nung goal ka inoktsüba ajanga Mele pur goal 3-2 agi Khuzama tejakdang kümadok. Iba sülen, Mele FC atema Tangsol-i goal pezübuba bendenlokja par teloki iba asaya koktet.

Kasa asayamung tanabuba match nung, tesemdanger team – Gaziphema FC Manipur-i goal 5-0 agi Kitsubozou Youth Society tsükdaktsü. Pre-quarter final tongtettsü atema, iba asaya nung Gaziphema atema Chinakho-i goal ana idaktsü. Külem team pur  Leangao, Rowland aser Th. Khazhi nungeri goal ka ka idakja liasü.

* Honibar (23.10.2021) atema asaya yamai alitsü :
Mhakenyi Kro-u FC vs Capital college of Higher Education @ 12.30 PM
12 Tribes United FC vs Morning Football Association @ 2PM