NSF rongdak senden amentsü jateper

Dimapur, July 22 (TYO) : July 25, 2016 nikongtsütsü 1:00 ako nung Naga Students’ Federation rongdak senden ka amentsü.
NSF Conference Hall nung sendenji amentsü ta Federating Units, Subordinate Bodies aser Seniors ajak dang metetdaktsür, ta NSF General Secretary, Boveio Poukai Duo-i sangdong ka nung metetdaktsü.
July 16, 2016 nü Old MLA junction, Kohima, Nagaland nung yaküm July 16 nü Wuzu nung kaketshirtem tepsetba bilemtetba sentong ka ayongzükba atema Assam Rifles-i Pochury Students’ Union Tir amokmerenba aser Legal Notice agütsüba atema iba rongdak senden amentsü jateper, ta Boveio Poukai Duo-i sangdong nung shia lir.
Iba senden nung Naga Hoho, Naga Mothers’ Association, NPMHR aser tanga tongti teloktem adentsü atema NSF-i pelashishia jaoker, ta paisa shisem.