NSG DG asoshi R C Tayal shimogo

New Delhi, June 08 (Agencies): Senior IPS officer, R C Tayal National Security Guard (NSG) Director General menden asoshi shimogo.
Iba dak sentakba nung tanü Union Home Ministry-I sangdong ka agüja liasü.
1980-batch Assam- Meghalaya ketdangser ya tang CRPF nung Special Director General teinyaktak lir.
SangkümAugust ita tashi pa NSG DG inyaktsü, kechiyong ibamapang nungji pa arishi küm 65 abensar.
May 31 nü J N Choudhury anisüngzükba sülen ibamenden tazüng adokogo.
Haryana state nungi Tayal ya tamalena Sashastra Seema Bal nungAdditional DGliasü.
Tan hopta tsüngdasa iba menden asoshi Tayal tenangzükba agitsüa akok.