NSHA pur senden ayonger

Dimapur, Aami/June 6 (TYO): Nagaland State Health Agency; Ayushman Bharat – National Health Protection Mission/Pradhan Mantri Jan Arogya Joyana (AB-NHPM/PMJAY)-i inyakyim tasen dak sendakba nung State Review Meeting cum Workshop ka June 7, 2019 nü Hotel Vivor nung ayongzükogo. Iba sentong lapokba sentong ya 10:00 ako nungi 10:30 tashi agitsü.
National Health Authority aser Apollo Munich Health Insurance Company nungi ketdangsertem iba sentong nung arua adentsü aser iba den Nagaland nung mozüki balala nungi ketdangsertem arua adentsü. Principal Secretary, Department of Health and Family Welfare, Nagaland; aser Principal Director, DHFW-i sentong nung o jembitsü.
Iba sentong nung Nagaland kübok PMJAY inyakyim takok ngua inyakba aser ken o tem lepareprangshitsü, ta State Health Agency (AB-PMJAY) ketdangser sangdong ka ajanga metetdaktsü.