NSLSA-i Mitelephe yimdak legal awareness camp katsü

Tsüklai 28, 2018 nü Team Nagaland State Legal Services Authority-i Mitelephe yimdak awareness aser medical camp katsüba noksa nung angur. 

Kohima, Tsüklai 28 (TYO): Tanü Nagaland State Legal Services Authority (NSLSA)-i Mitelephe yimdak legal services camp ka ayongzüka yimdaklirtem dang legal services balala aser public welfare schemes balala metetdaktsüba den külemi angati medical treatment sentong katsüogo.
Mitelephe yim ya southern Angami area kübok kanga tezülen aliba yimtsüngtem rongnung ka lir.
Directorate of Labour nung ketdangser, Seyievio Neihu-i Building & Other Construction Workers’ Welfare Scheme indang metetdaktsü aser yimdaklirtem dang iba tajangzük agitsü ayongzük.
Iba camp nung construction workers aikati registration agia liasü.
Labour department den yaritepa NSLSA-i state nung iba scheme teyari agitettsü atema construction workers ayongdenba nung shilem agia inyaker.
Yimdaklirtemi pei temeten atema awareness angutsü aser India linük temzüng nung aliba temeten balala metettsü atema legal aid stall ka amenok.
Iba den külemi Tenyidie oshi nung legal rights indang Pamphlets yimdaklirtem nem lemja liasü.
Iba camp nungita medical nisungtemia angati medical treatment agitsü aser mozüa lema agutsü.
NSLSA member secretary, Nino Iralu-i, NSLSA-i legal services camp ulushitsü atema district administration ayongsema Aadhaar enrolment dak sendakba mapa inyaker, financial literacy programme atema bank ketdangsertem anioka inyaker, birth registration atema statistical department aser tanga survey dak sendakba mapatem aser schemes balala nungi tajangzük metetdaktsütsü atema post office ketdangsertem ayongsema inyaker, ta metetdaktsü.
Medical ketdangsertemisa mashisa alirtem aser tanur pentsürtem atema facilities balala metetdaktsü, iba dak alia Women and Social Welfare Department kübok scheme balala indang metetdakja liasü.