NSLSA züngsemtem Shillong nung ayongba senden nung aden

Shillong (Meghalaya), September 27, 2017: Bodhbarnü State Convention Center, Shillong nung Regional Meet of State Legal Services Authorities for the North Eastern Region senden nung Nagaland nungi tejaokertem (District Judges & District Chairpersons) menden tarensen tanabuba nung mena aliba noksa nung angur.

Shillong/Dimapur, September 27 (TYO): September 27, 2017 nü State Convention Center, Shillong nung Regional Meet of State Legal Services Authorities for the North Eastern Region senden menogo; iba ama sentong ya tang mezüng northeast nung National Legal Services Authority kübok Meghalaya State Legal Services Authority-i ayongzüka akar.
Iba senden nung North East nung aliba state ajak nungi District Secretaries aser Chairmen dena liasü.
Nagaland State nungia District Secretaries aser Chairpersons densema Judge 17 Regional Meet nung aden. Judge Gauhati High Court, Kohima Bench, Justice L.S Jamir-i Nagaland State Legal Services Authority Executive Chairman ama parnok meina liasü.
Iba senden tetenzük sentong nung jembidang Justice, Ranjan Gogoi-i, district level nung Justice Service nung inyaker Secretaries aser Chairpersons ji grass root level nung inyakertem lir, aser Legal Services Schemes balala benoka inyakertemji parnok lir, ta metetdaktsü.
Legal Services Institution-i below the poverty line (BPL) kübok alir ano nübur timba ayimjemtsü ajungshia pai International Poverty Line aser India nung BPL kübok alir indang statistics metetdaktsü.
Justice Ranjan Gogoi-isa, ochi obendang agutsüba tetezü court nung ken o benoktsü maongka agütsüba dang masü, iba onük nung o atsüteptsüla aser Legal Services Schemes dak alia inyaktsüla, iba den külemi Legal Services Authorities Act 1987 nung aliba ama Legal Services dak alia inyaktsüla, ta ashi.
Executive Chairman-isa, iba senden ayonga akaba nükjidong ya District Secretaries aser Chairpersons den tejak chitepa jembiba ajanga atangji tatalokbatem angatettsü aser Legal Service agutsüba nung ano takok tali ngua inyaktsü atema lir, ta metetdaktsü.
Inaugural Session sülen ano Technical Session-a ana agia liasü.
Inaugural Session nung Judge, High Court of Meghalaya & Executive Chairman, Meghalaya State Legal Services Authority, Justice Sudip Ranjan Sen-i lokti pelaa agizük, Chief Justice, High Court of Meghalaya & Patron-in-Chief, Meghalaya State Legal Services Authority, Justice Dinesh Maheshwari-i okila jembi, aser National Legal Services Authorities Member Secretary, Alok Agarwal-i tepela anküp o jembia liasü.
Ano külen sangdong ka ajanga Nagaland State Legal Services Authorities Member Secretary, Wt. Nino Iralu-i iba senden nung adener Nagaland State Legal Services Authorities züngsem ajak tenüng nung Meghalaya State Legal Services Authorities, Meghalaya High Court, Protocol Officers, PSO, sorkar ketdangsertem aser Legal Fraternity of Meghalaya State dang parnok junga anepaluba atema pelaba metetdaktsü.