NSSC puri angati agi training Camp ka katsü

Dimapur, Chiteni/July 11 (TYO): Naga Shooting Sports Club, Chuomukedima puri July 8 nü nungi tenzüka July 10 nü tashi Chuomukedima Town Council Hall nung Air Rifle aser Air Pistol Shooting, angati training camp ka ayongzüka katsüogo. Iba camp ya ISSF Judge aser coach Merang Jamir aser ISSF Judge aser Coach Hito Swu na tawabangba kübok agia liasü.
Training camp nung shooter 26-i shilem agiogo. Camp nung takok tajung angurtem 5buba Nagaland Shooting Championships 2019 nung shilem agitsü, koba July 22 nü nungi 25 nü tashi Dimapur nung agitsü asoshi renema lir, ta Naga Shooting Sports Club Chuomukedima, tir Imkongmeren-i sangdong ka ajanga metetdaktsü.