NSSWB-i Adolescent Girls atema sentong ka ayongzüka agi

Dimapur, June 8 (TYO) : June 8, 2016 nü Nagaland Adolescent Girls Club atema combined friendship fellowship programme ka agiogo.
Iba sentong ya Nagaland State Social Welfare Board (NSSWB)-i ayongzük aser Durbar Hall, 4th NAP Thizama village nung agi.
Sentong nung PowerComm. Union Baptist Church Pastor, Jonathan Mesen-i o jembidang, tetsür tanurtemi pei sasa asadangtsü temeten alitsüla, ta ashi.
Paisa tetsür tanurtem dang, achi-ajem nungi jenbua alitsü aser pei taküm jenjang metettsü tayongzükba agütsü.
Sentong nung mendenji SRCW, R. Juliana Medom liasü, NSSWB Secretary & Mission Director of SRCW, Daisy Mezhur-i “Under his Wings” onük jembi aser Mewi Shool nungi Medeno aser Bayavu Hill High School nungi Lolly o Thunjano nunger ken aten.
4th NAP Commandant, Vekhosa Chakhesang-i hall amshidaktsüba atema NSSWB-i pa dang pelaba metetdaktsü.