NSUI-i Delhi University Tir menden takok angu

New Delhi, September 13 (Agencies): Congress den sendaktepa aliba National Students Union of India (NSUI)-i Delhi University Students Union (DUSU) nung menden ana nung takok nguogo aser parnok den tokteper Akhil Bharatiya Vidyarthi Parishad (ABVP)-i menden ana nung takok angu. ABVP ya BJP den sendaktepba lir.
NSUI-i ashiba agi parnoki menden pezü nungi asem nung takok angu aser iba ken o ji Delhi High Court nung benoktsü.
Taoba kümsük nung ABVP-i menden asem bena liasü. NSUI züngsem Rocky Tuseer-i ABVP züngsem Amit Tanwar ket nungi Delhi University president menden melenzüktsü.
Tanü nikongdang Rocky Tuseer den tanga NSUI lennirtemi Congress tir Sonia Gandhi den ajurutep.
Rahul Gandhi-i anir tanga Congress tongti lennirtemi iba osang ya ajanga lanuputu, talisa kaketshirtemi Congress pusema nungitba sayur, ta metetdaktsüogo.
2012 nungi tang mezüng atema NSUI-i DUSU president menden nung takok nguogo. Tesüiba küm ishika ABVP-i Delhi University elections nung takok nguyonga aru.
“Rajasthan, Punjab, tang Delhi nung NSUI-i takok anguba ajanga, Modi’er acche din tiyazü tenangzükba lanurtemi magizüker ta jungkai adoka sayur” ta Congress otongdar Randeep Surjewala-i ashi.
Külen, ABVP züngsem kati ashiba agi, “onok iba union nung küm aika ketdangsüa arum saka Left o NSUI-i mapa tamajung inyakba ajanga onoki takok mengutet. NSUI nem takok ngudaktsütsü atema Left-i dummy candidates toktepdaktsü.”
Jawaharlal Nehru University nung Left alliance-i ABVP madak takok nguteta menden pezüprongla nung takok angu aser tang Delhi University nung takok angubaji Congress atema osang tajung ka lir.