NTA-i Coaching & Training sentong ayonger

Kohima, September 16 (TYO): Tawa tembanga asayaba 28 buba Senior State Taekwondo Championship asayamong nung gold medal agizüker ajungai tan September ita 21 nü Kohima kübok Indira Gandhi Stadium nung agitsü ayongba Coaching & Training Session sentong nung shilem agitsü temtettsü osang ka Nagaland Taekwondo Association (NTA)-i tanü sangdong ka ajanga metetdaktsüogo.
Punjab kübok Jalandar nung taruba October ita 9-11 nü tashi agitsü ayongba 34 buba Senior National Championships atema terenemshiba agitsü nükjidong nung tan coaching & training session ayongba osang jangjaogo.
Iba terenemshiba sentong den sentakba osang tali jangjashitsü jangrartemi Theja Keretsu den mobile no. 9436845163 ajanga mesüra Visebeiu Peseyie den mobile no. 9436061480 ajanga tongteprateptsü akok.