NTA puri district tem dang sangdonger

Kohima, November 27 (TYO): 1buba Nagaland Olympics games koba December 12 nungi 16 tashi Dimapur nung asayatsüba lir, iba nung shilem agitsüba district ajak dang Nagaland Taekwondo Association(NTA) puri wako ka, lenden sülkep 4 aser metong süklep 6 (4 x6) tasazük nung kaka renema bener arutsü asoshi metetdaktsü.
District 11 prongla nungi ketdangsertem dang “Entry form” State Taekwondo coach, Theja Keretsii nem agütsütsü asoshi metetdaktsüba den asayartem ajak dang parnok indang bedding bener arutsü asoshi metetdaktsü.
Maneni referee uniform ji tanak aser temüsung asütsü aser iba den blazer tanak mesera dark blue bener arutsüla. NTA puri neck-tie bo agütsütsü, ta NTA sangdong ka ajanga metetdaktsü.