NU kaketshir 43-i UGC-NET 2024 nung takok angu

Dimapur, March 12, 2025 (Agencies): February 22, 2025 nü sangdongba UGC-NET 2024 nung nung Nagaland University nungi kaketshir 43-i takok nguogo.

Kaketshir 43-i junior research fellowship programme, NET (assistant professor) aser NET (admission to PhD) atema takok angu ta PRO, Nagaland University, Peter Ki-i sangdong ka nung ashi.

Department 12 nungi kaketshir 43 rongnungi kaketshir anati JRF atema takok angu.

Kaketshir 29-i assistant professor atema takok nguogo ser parnoki higher education institutions nung tesayur inyaktettsü. Tanüngba kaketshir 12-i PhD programmes nung admission atema NET nung takok nguogo. Parnoki academic research den specific subjects nung tajungba angazüka otettsü.

NU Vice-chancellor Prof JK Patnaik-ia takok anguba kaketshir ajak nem tenüngsang agütsüogo.

“Iba takok ajanga parnok academic excellence sayur aser university nung academic aser research wadang junga aliba kuli agütsür. NU-i higher learning aser research atema kaketshirtem aniteter aser academia, research, aser teaching asoshi kaketshirtem renemtsür” ta Patnaik-isa ashi.