Nubia-i India nung smartphone tapu balaka ana sayatsü

New Delhi, December 10 (Agencies) : tesüiba mapang Chinese multinational telecommunications company ZTE Corporation den liasüba nubia-i December 14, 2016 nü India nung smartphone ana — nubia Z11 aser N1 — sayatsü renema lir aser item smartphone tem nung India smartphone industry nung kodanga mangashidangba feature tem keta lir.
nubia Z11 ya tera koroka yangluba “bezel-less” design nung angutsü aser iba phone nung aRC 2.0 bezel-less display technology keta lir.
Alima nung tang tashi nung “bezel-less” phone ji Xiaomi-i ang saya lir.
nubia Z11 nung 5.5-inch full-HD screen, Frame interactive Technology 2.0 (FiT 2.0) aser Handheld Electronic Aperture keta lir aser iba phone ya tanak aser hon sentsütem nung angutsü.
Iba smartphone tesülen 16MP camera aser tejaklen 8MP camera tem keta lir. Iba den külemi 3,000mAH battery atema nubia quick charge technology dena lir.
nubia Z11 nung ‘NeoVision 6.0 Camera System’lir aser iba camera agi focus asem aser shutter mode pezü aliba Sony IMX298 sensor amshir.
Ano N1 smartphone nung nubia indang NeoPower technology aser 5,000mAh battery inokja lir.
Iba phone nung 5.5-inch full-HD screen aser tejaklen o tesülen ajak 13MP camera tem keta lir. Iba phone ya Android 6.0 Marshmallow nung amendakba nubia 4.0 UI ajanga mapa inyaker aser hybrid dual-SIM slot lir.
Iba smartphone nung power kanga ajema agir saka mapabo tulu inyaker aser ibaji ajanga phone kanga mamshira battery anogo asemnü mesüra pezünü tashi amshiteter.
Iba phone nung 3GB RAM, 32GB memory aser Android Marshmallow operating system inokja lir.
N1 nung heavy-duty 3D game tem mela mela asayatettsü aser octa-core processor keter arutsü akok.
Item smartphone ana indang jenjangbo ano memetetdaktsü.

You must be logged in to post a comment Login