Nübodok mapa nung ajaki shilem agitsü sorkari ayongzüker

Kohima, Rongjui/September 26 (TYO): Nagaland state tesem ajaklen Rongjui/September 27 nungi Mongputeni/October 2 tashi (SWACHH BHARAT DAY) lokti nübodok mapa inyaktsü ayongzüka aliba dak sendakba nung Departments, Contractors, Tribal tentettem, melungtet teloktem, Local Bodies ajak dang shilem tajung agitsü sorkari mepishia metetdaktsüogo.
Iba dak snedakba nung iba mapa nung amshitsü atema machineries, gari aser nübo District Administration nem agutsütsü kasa osang ajanga metetdaktsü.
Nüngdakba totzübo Administration-i agutsütsü.
Home department-i sangdong ka ajanga, Kohima nung Chief Minister leniba nung nübodok mapa inyaktsü, iba denji kasa Minister/MLA temi peipei districts aser areas nung shilem agia nübodok mapa inyaktsü, ta metetdaktsü.