Nübortemi power department pur mapa inyaktsür

AonokpuDimapur, June 02 (TYO) : Mokokchung district nung Mangkolemba sub-division kübok Aonokpu lushi nung electric light süngzü mesanga aoba tesemtem arem agi sakpanga aliba ajak Aonokpu yimteni anir nübortemi nübodoka lepdoka merüktetogo.
Electric light abenba süngzü mesanga aodak küm shia Power department-i arem lepdoka aotsüla, ajisüaka meinyakba agi lendong aketba mapa süaka nübortemi power department pur mapa inyaktsüogo. Iba nübodok mapa ya May 27, 2016 nü inyaka liasü.
“Lenmang majungba agi yimer nüngdak mapang shitak nung meinyaktetba den ano light junga maliba agi yimtak alirtem kangasa timtem tulu nung alir,” ta Aonokpu putu menden nung mendenbuba Wb.Tekatemjeni metetdaktsü.

You must be logged in to post a comment Login