Nuclear War tenzüktsü mera ka dang lir : Pope

Santiago, Aenjeti 16: Santiago, Chile-i Aenjeti 15, 2018 anogo Pope Francis arudang pai Chile Tir Michelle Bachelet anasa teka ayiploktsüba mapang tangokba noksa nung angur.

Board the Papal Plane,Jan 15 (Agencies) : Nuclear war indang kanga dang tsübua bilemer aser alima nung iba tongpang tenzüktsüji menua mali, ta Pope Francis-i arendaka bilemba olen ka metetdaktsüogo.
Chile aser Peru linüktem semdangi tayimtsü nung aoba mapang pai iba osang metetdaktsü. North Korea den nuclear war tenzüktsü ana nung lir ta temaitsü sayuba mesüka US nungertem aoksatsüsa Hawai-i missile kaloktsüba tiyazü osang sangdongba nung ajemdaker pai iba tekümdangtsü olenji sangdongogo.
Nuclear tongpang tenzük ka asünunga paia shibulua bilemer asü (?) ta asüngdangba ta langzüdang, “Joko menua mali. Iba tongpangji ni kanga dang tsübua bilemer. Lendong ka agi dang iba tongpangji tenzükdaktsütsü,” ta Pope Francis-i shiogo.
Aji oda süaka, pai Hawaii mesüra North Korea ka kecha linüka tutetabo mashi.
Pope Francis-i mapang shia nuclear tongpang ajanga lendong tulu bener arutsütsü aliba indang ola adoka jembir aser taoba November ita nunga nuclear oset anema nenshia shiogo. Paisa ashiba agi, linük kechaia tangar tsübudaktsütsü atema ta danga mesüi kecha asoshia nuclear osettem bendena mayutsüla.