Nüjiso atema rarartem pension tutsüogo: Rajnath Singh

New Delhi, August 09 (Agencies): 2014-15 küm DA shilem 218 tutsütsü benokba sülen sorkari linük nüjiso atema rarartem pension tutsüogo, ta tanü Union home minister Rajnath Singh-i metetdaktsü.
‘Quit India movement’ küm 73buba mung sentong nung jembidang Rajnath-i, 1947 küm India nüjiso angutsü atema anibelem arema rarartem nem pai akhüm agütsür, ta ashi.
Home minister-isa, Mahatma Gandhi walunir ser nüjiso atema rara aser nüjiso atema rarartem akümtsü atema nisung merirjang aika aden, ta ashi.
“Quit India Movement tanü küm 73 ajunger. Iba movement ajanga India nüjiso angutsü atema lenmang lapokja liasü,” ta paisa ashi.
“Sorkari nüjiso atema rarartem mesüra par kibongtem atema 2014-15 küm DA shilem 218 tutsütsü benokba ajanga pension tutsüogo,” ta Singh-i ashi.
August 1, 2014 revised rate pension DA shilem 193 nungi shilem 218 tutsübaji Ex-Andaman political prisoner tem atema ita nung sen 23,309, nüjiso atema rarartem/kinüngtsü-kinüngbu atema sen 20,129 kibong makümer/mapa mengui alir jalatem atema sen 4,770 aser kinüngtsü/kinüngbu atema sen 10,064 asütsü.
January 1, 2015 tashi nung Central freedom fighters pensioner 11,434 liasü aser amitsür aser pension angutsüpur kinüngertem 24,466 lir.
Freedom Fighters’ Pension Scheme (FFPS) ya 1972 küm August 15 Silver Jubilee mung nung benoka liasü.
Nüjiso atema rarar pensioner tem timba ka Telangana (6,204) nung lir, iba sülen Andhra Pradesh nung 6,031, West Bengal nung 4,394, Maharashtra nung 3,866, Bihar nung 2,972, Tamil Nadu nung 2,005 aser Uttar Pradesh nung 1,710 lir.