Nuklutoshi-i Union Minister Paswan den ajurutep

Dimapur, September 5 (Agencies): Food & Civil Supplies (FCS), Advisor, Nuklutoshi-i tanü Union Minister for Food & Civil Supplies Distribution, Ram Vilas Paswan den pa indang Office Chamber, Delhi nung ajurutep.
Iba mapang Nuklutoshi-i Paswan den Nagaland nung 1960s mapang yangluba godowns indang osang lemsatep.
Food & Civil Supplies Department kübok Kohima, Peren, Dimapur, Mokokchung, Phek, Zunheboto, Tuensang, Wokha, Mon, Longleng aser Kiphire district tem nung 100 & 50 MT capacity Godown tem yanglutsü atema state sorkari tebilemba shiogo, ta paisa Paswan dang nenshia metetdaktsü.
Iba atema state-i sen 49,51,81,100 nüngdaker, ta Adviser Nuklutoshi-i Union Minister dang ashi.
Nagaland nung jangotsü belenshiba nung amshitsü atema sen 11,54,33,979 magütsüi aliba tekaratiba nung agütsütsüla,, kechiyong iba ajanga jangotsü belenshiba nung tetsükdaktsü jenti ajurur, ta Nuklutoshi-isa mepishia metetdaktsü.