Nükpokertem atema Ballot Sheets aser Voters’ Slip renema lir

Dimapur, April 5 (TYO): Election Commission of India (ECI)-i tetuyuba agütsüba ama CEO Nagaland-i Braille Dummy Ballot Sheets aser Braille Voters’ Slip renemogo.
Lok Sabha 2019 General Election aser Parliamentary Constituency ka nung by-election mapang Dummy Ballot Sheets aser Braille Voters’ Slip ji polling station ajak nung amshitsü.
Polling Station telung nung nükpoker (Visually Challenged Voter)-i meshira Presiding Officer-i Braille nung yangluba Dummy Ballot Sheet agütsütsü. Pa/lai Dummy Ballot Sheet ji tendangba sülen Voting Compartment-i oa vote agütsütsü akok.
Ajisüaka, iba facility tasen tenzük yonga nükpoker jagi temeiner (Companion) ka nüngdakra, Rule 49N of Conduct of Elections Rules, 1961 kübok temelaba agütsütsü.
Iba facility ya Nagaland nung tang mezüng atema tenzüka inyaktsü aser mapa shitak inyaktetra, election maparen ya ajak asoshi ta züngshitsü akok.
Braille Dummy Ballot Sheets ya April 5, 2019 nü district ajaki bener yokogo aser polling party temi polling stations-i bener aitsü. April 9, 2019 nü polling party 314 tashi pei pei mapa lemzükba polling station-i apusoa aotsü, ta CEO Nagaland-i metetdaktsü.
Braille tezüluba nung yangluba Dummy Ballot Sheets nung item ya keta alitsü:
a. Candidate tem indang Serial Number.
b. Balloting Unit indang Ballot Paper nung aliba ama kasa Serial Order nung Candidate tem indang tenüngtem alitsü.
c. Candidate tem indang Political Party dena alitsü.
d. Independent Candidate süra, “Independent” ta zülutsü.
e. None of The Above atema ‘NOTA’ ta zülutsü.
f. Parliamentary/ Assembly Constituency indang tenüngji temalen alitsü.
g. State indang Commissioner of Disabilities mesüra Braille meteta aliba ketdangser kati Polling Station shia atema renemba sheet tendanga reprangtsü.
Braille Voters’ Slip nunga noksa dak alia Photo Voters’ Slip nung aliba kasa dang asütsü.