Nüngdak: Khrista den taküm aliba tesendaktep – Mathi 4: 18-25

Theologian tulur, Karl Barthi, mapang ka nung tajitetba ka ashi, ” Khristan yimsüji Khrista nungi pilar kecha südanga tatsü ka danga alitsü makok”.
Khrista nükjitong nungi pilar tamangeri merangba mapaji taitsüba o bendang bena aruba aser tejashitsü otem lir. O ka nung, chichiba tamangerji Khrista den sendaktepba alir aser iba mulungsentsü aser mapatem jagi teti mapa inyaker. Yamaji, asen mapa ajak mapa tajunga süaka taküm aliba Khrista nungi mesüra, pei konang, nüngsang asoshi bilemba agi ajungmesoba dang asütsü.
Asenok mapang Khrista den taküm aliba tesendaktep akatsü kanga nüngdaka kümogo. Iba nüngdak tuluji taküm aliba Khrista den tashi tait tesendaktep aliba bushitettsübaji lir.
Itemi shisadangang : Nai Khrista indang tejangja metet. Nai Khrista metetta lir ta bilemer asü ? Khrista den tembar tesendaktep koda kija takümi katettsü ta nai bilemer? Nai tangar den Khrista indang jembitsü jangrar asü? Nai ibai tatemsa kodang jembi?
Sarasadem : Onok atsüang, onoki Ne sülen anidaktsü.
Tenangzükba: Aser ni alima ajungketra, ni nisung ajak pei sasa dangi atsütsü. Yohan 12:32.