Nüngdakba mozü 50 sen dalang yong ayoktsü tebilemba lir: Sorkar

New Delhi, August 05 (Agencies): Cancer aser AIDS tashitak aneptsü mozü densema nüngdakba mozü 50 sen dalang yong ayoktsü sorkar tebilemba lir, ta tanü Union Minister Ananth Kumar-i metetdaktsü.
Tang sorkari nüngdakba mozütem nung jenjang azüoker aser item mozüji National List of Essential Medicines (NLEM) nung densema lir, ta pai ashi.
“Linük nung nübur crore 100 shi below poverty line (BPL) mesüra low income group mesüra middle income group nung densema lir. Anungji item ama nüburtem nem anema alibaren nung jenjang junga akümtsü nüngdak,” ta tanü sentong ka nung jembidang Cemicals & Fertilisers Minister Ananth Kumar-i ashi.
Anungji onoki parnok nem mozü nung security agütsüner, aser iba asoshiji aketba, yimra, typhoid, diabetes, hypertension, HIV AIDS aser cancer tashitak tem ajungtsü atema mozü 50-55 sen dalang yong agütsütsü bilemer, ta Chemical minister-isa ashi.
“Item mozü 50-55 ji kangasa nüngdakba mozütem lir, anungji item mozüji tajungba aser sen dalangba yong ayoktsüla. Iba yongji sorkari iba atema shisadanger,” ta Kumar-i ashi.