Nüngdakba osettem bener aliba truck ana Kipheri tongogo

Dimapur, Metsüremi/March 30, 2020 (TYO): Nüngdakba osettsüsetem sünga oshir aliba truck ana March 30, 2020 (Hombar) nü Kipheri District tonga liasü, ta sangdong ka ajanga metetdaktsüogo.
Osettsüsettem grocery dokantem nung peria angutsü, anungji Kiphiri nung alir nüburtem dang chiyongtsü mangutsü ta bilema aoksa malitsü atema metedaktsür.
Lijaliyongtsü asoshi ghonda ana ya kanga petakra asünung, Hombar anepdang nungi tenzüka, dokan aser bazaar tem ghonda 4 tashi lapkokja liasü.
Taoba mapang agütsüba ama, kibong shia dang jangotsü seret 10 alitsü asoshi temelaba agütsü. Osettsüsettem lijaliyongba mapang nüburtemi kati ka dak khenyongi mekongshi tetetsüngda yur shishilembatep, ta kasa sangdong ajanga metetdaktsüogo.