Nüngo Reju nung Aor sobaliba wazüka ayutsü asensashi

CTN, Jan 15, 2020 (TYO) : January 13, 2020 Changtongya yimtiba nung Aruju Tsuki- Bachelor’s Dormitory mulungtet telok ajanga yangluba Nüngo Reju nung sobaliba mapa asentenshidaktsütsü asoshi asen Aori alemli nungi amshia aruba ausu yanglua sayuba den tesenteper nema yangludangdakja liasü. Yamala mapang den apet sobaliba maparen aser teka mapa tejangrar lanurtem dang mapang shia sayua arudaki.
Iba telok ya Aor sobaliba aser teka mapa asentenshidaktsütsü asoshi tenzükba den Aori amshia aliba tejen osettem wazüka ayutsü nükjidong nung tentet anungji parnoki tejen oseta ishikabo bendena lir.
Anosa iba telok ajanga alima tzümopung menena akümba nokdangtsü nükjidong nung plastic ausu amshiba melen benjongbentsü amala nung taa agütsür amshitsü asoshi ausua aika yanglua lir.