Nüngtugu doctor temi angati Medical camp katsütsü

Dimapur, November 19 (TYO): Nagaland Angh, P.B Acharya-i achaayangba kübok linük tesem balala nungi doctor 44 den Paramedical technician 23-i akümba telok kati November 26 nungi 30 nü tashi state nung district tenet- Dimapur, Kohima, Mokokchung, Mon, Peren, Phek aser Wokha nung angati medical camp katsütsü.
Iba mapa tajung ya Indian National Fellowship Centre (INFC) Mumbai-i apitet aser Nagaland sorkari Rotary club of Bombay North, Friends of Nagaland, Dr. K & T Keditsu Foundation, Nagaland, Cancer Patients Aids Association of India aser Indian Academy of Echocardiography den senteper nungita ayongzükogo.
Nüburtemi iba maongka agidaktsüner. Ano nüngdakba shirangertem nem mozü angati lemtsütsü, anungji tejangrartemi peipei hospital nung jilia tenüng züluoktsü metetdaktsür, ta tanü sangdong ka nung ashi.