Nüngtugu Drummer Doudou N’diaye Rose süogo

August 20, 2015: Senegal nunger, Rolling Stones drummer asüsang, Doudou N’diaye Rose asishi küm 85 nung süogo.

Pa ya Senegal yimtiba Dakar nung August 18 nü shiranga asü, saka kechi tashidaker agi shirangar ibajibo par kinungertemi mashi.

Rose ya pa aliba Senegal linük nung dang ajaki metetba drummer masü saka Rolling Stones, Miles Davis, Josephine Baker, Dizzy Gillespie aser Peter Gabriel nunger dena külemi tema liasü.

July ita nungto pa meyong orchestra, ‘Drummers of West Africa’ teloki pa nem benjung ka nung tetushi agüja liasü.

United Nations Educational, Scientific & Cultural Organization (UNESCO) 2006 küm pa nem ‘living human treasure’ tenüng jaloktsü.