Nurse ka tebur anati tashiyim agi raksatsü

Gurgaon, February 9 (Agencies): Nija mozüki ka nung inyaker, arishi küm 22 tain, nurse ka, kasa mozükidang inyaker tebur anati tashiyim agi raksatsü. Police kabo pua lir aser kaji jener bushidar.

Iba nurse ya Jharkhand nungi lir aser la Triveni hospital, New Colony nung inyaker. Lai ashiba agi, la dak iba mapa tamajung ya mozükidang compounder aser ambulance anisang nati anogo pongu tejakdang inyak.

Compounder Abhay Pratap-i mozükidang la tashiyim agi raksatsüba sülen par kidangi anir oa gari anisang Shyam dena senteper kasa mapa tamajung ano inyak, ta lai shisem.

Iba dak sentakba nung Hombarnü lai police complait ka file asüba sülen police-i Shyam pua lir.