‘Nutcracker & The Four Realms’ India nung Yimpoksüi 2 nü sayatsü

New Delhi, Mongputeni/Oct 23. 2018 (Agencies): Disney indang ‘The Nutcracker and the Four Realms’ film India Yimpoksüi/November 2 nü alima ajunga den külemi sayatsü.
ETA Hoffmann’s classic otsü ajanga ajungmesoba film ya Lasse Hallström aser Joe Johnston nati direct süogo.
“Nutcracker ajanga kü jala tsüngsangtsü asoshi ajungmeso,” ta Hallstrom-i ashi.
“Iba film nung drama, comedy, music, special effects aser tsüngsang ajak densema lir. Iba film nung shilem agiba ya kü asoshi tajangshiba tajung ka liasü,” ta paisa ashi.
Iba film ya tetsür ka tenüng agi Clara taküm otsü lir shiba nem lar tsüraburi toy Nutcracker doll tem anepalutsü asoshi nongloktsür aser item toy tem ya tekolak tenet adenba Koya chuba ka den raratsü asoshi taküm akümer.
Mackenzie Foy, Morgan Freeman, Jayden Fowora-Knight, Helen Mirren aser Keira Knightley nungeri iba film nung shilem agir.