NVBDCP aser Police Department külem senden amen

Dimapur, April 6 (TYO) : April 5, 2016 nü PHQ conference hall Kohima nung National Vector Disease Control Programme (NVBDCP), Directorate of Health & Family Welfare aser Police Department tsüngda senden ka amen.
Iba senden nung unit officers/representatives aser Directorate of Health & Family Welfare ketdangser aden.
National Vector Disease Control Programme (NVBDCP), Directorate of Health & Family Welfare-i police ajak nem Long Lasting Insecticidal Treated Nets (LLIN) agütsütsü.
Senden nung mendenji Dr. Sashimeren, Medical Consultant (PHQ) liasü aser Dr. Kevichusa Medikhru, State Programme Officer, NVBDCP-i Nagaland nung shiruru tilatemi belenshiba tashidak balala indang osang metetdaktsü.
Dr. Medikhru-isa police nem malaria tendangtsü atema Rapid Diagnostic Test Kits agütsütsü ta osang metetdaktsü.