NVBDCP, Dimapur ajanga Hazi Park Dimapur nung LLIN alem

Dimapur, April 9 (TYO) : April 9, 2016 nü Asst. Director, urban malaria scheme (NVBDCP), Dimapur office ajanga Dimapur kübok Hazi Park anasa alir nem Long Lasting Insecticide Net (LLIN) lema agütsü.
Hukato V A Achumi President (HPBWC) den tanga züngsemtem lenisüba kübok Hazi Park Businessmen Welfare Committee office-i merla sü 1200 shi lema agütsü.
Urban Malaria Department-i Hazi Park area nung alirtem aser shishilembar nem teyari agütsüba atema kanga pelar ta Hukato V Achumi-i nisung ajak tenüng nung metetdaktsü.
Tarutsü nunga department-i public welfare scheme inyakba mapa nung yariteptsü mulunga lir, ta paisa shisem.