NWA wrestler tem Riyadh nungi aruogo

Kohima, Metsüremi/March 23 (TYO): NWA wrestler Vechita Khesoh aser Keduovilie Zumu, shirnok Indian contingent nung shilem ka ama Riyadh Saudi Arabia nung International Ethno festival, belt Wrestling asaya nung shilem agiogo, tena tanep Nagaland tonga aruogo.
NWA General Secretary, Vekhozo-i sangdong ka ajanga ashiba agi, asayar anapronglai kanga junga asayaa pei jenjang nung quarter finals tonga asayaogo. NWA sangdong ajangasa alima ajunga nungi asayartem sentepa asayaba asayamung ka nung tenati kanga junga asayatetba atema parnok tenüng asanger. NWA aser Wrestling fraternity-i asayar anaprongla kidangi pelashishia agizüker, ta kasa sangdong ajanga metetdaktsü.