NWVA President-i züngsemtem dang pelar

Dimapur, December 12 (TYO) : Kisama nung Hornbill Festival 2015 nung Nagaland Women Voluntary Association-i lapokba Stall nung yariteper züngsem ajak dang kanga pelar, ta NWVA President, Mrs Kevi Rangkau-i sangdong ka nung metetdaktsü.
“Iba Stall nung aruba senji tenla agütsütsü aser anogo ternü benjung nung züngsemtemi Stall khen dang azüngi metoktsüi yaritepba ajanga tesemdangertem aika liasü aser asenoki lapokba Stall kanga nüngtugu liasü,” ta laisa sangdong nung shia lir.
“Tarutsü anogotem nunga külem züngsem ajak den yaritepa inyaktsü yongyar aser nenokia asen NWVA teti bilemtettsü ta ni imlar” ta Mrs Kevi Rangkau-isa sangdong nung metetdaktsü.