Nyamo- Daniel Memorial asayamung tembangogo

Lotha Colony Football Club den DMC, Administrator, Albert Ezung tangokba yangi noksa nung angur. (Dimapur 06, 2019)

Dimapur, Yimpoksüi/November 6 (TYO): Bodhbarnü Nyamo- Daniel Memorial asayamung final nung defending champion Lotha Colony Football Club (LCFC)-i goal 2-i agi Okotso United koka iba asayamung takok marok tanaben benogo. Iba asayamung ya state stadium nung asayaa liasü.
LCFC puri, 25buba Late Nyamo Lotha aser Late Daniel Lotha Memorial football running trophy koka iba asayamung küm asembuba atonga benogo.
Asayamung shibangba sentong nung Dimapur Municipal Council, Administrator, Albert Ezung alakteta jaoker liasü aser pai takok angurtem nem sempet lemtsü. Asayamung akokba team nem senpet sen lakh 1 aser Runners up team nem senpet sen 70,000 agütsü.
Iba dak alia jurila sempetem Puma-i sponsore süa jenjang balala nung asayar tajungtiba pongu nem agütsüogo.
Asayamung koba October 28 nü tenzük, iba asayamung ya league cum knock basis nung asayaogo. Asayamung nung team 21-i shilem agia liasü.