NYKS Nagaland-i Swachh Bharat sentong agi

Dimapur, July 13 (TYO): Nehru Yuva Kendra Sangathan, Nagaland State-i July 12, 2017 nü Swachh Bharat-Clean India Mission sentong kübok Dimapur nung railways station temeket tesemtem aser Nagaland State Transport compound merükteta among.
Iba sentong nung state kübok district balala nungi nisung 164-i shilem agia liasü.
Youth Hostel, Dimapur nung July 4 nü tenzükba tang tagidak National Youth Volunteers Orientation Training dak sendakba nung merükmejuba sentong ya agiogo, iba training ya July 18, 2017 nü tembangtsü.
Nehru Yuva Kendra Sangathan atema training ya ADCP (Crime), Dimapur, Shouka Kakheto, NPS-i tongti tesemdanger ama tenzükja liasü.
Nehru Yuva Kendras ya 1972 küm tenzük aser iba nükjidong ya yimtsüngtem nung lanurtem nem linük yangerba nung shilem agidaktsütsü aser skills development nung terenlok agütsütsü atema lir.