NYV-i Naga Hospital merüktet

Kohima, August 13 (TYO): Honibarnü tzünglu kanga aruaka Kohima nung NYV aser Urban Development Swachh Bharat Mission, Nagaland sorkar senteper Naga Hospital, Kohima nung merükmeju mapa inyaka liasü.
Iba hospital merüka ayutsü nükjidong nung ayongzükba sentong omenji “Freedom from Filthiness,” liasü.
NYK züngsem kati, iba sentong ya shirangertem dang pei aliba temekettem merükteta ayuba ajanga tashidak balala nokdangteta aliba osang sangdongtsü atema liasü, ta metetdaktsü.
Temelunger 35 aser Catalyst, Good Shepherd, The Quasar, Anime Cosplay, Dziiviirii Youth Organisation, Siedze Krotho aser VAK nungi club züngsemtemi iba sentong nung shilem agia liasü.