NZ nung India tsür ka dang nashi natzü abenba atema senchi achi

Melbourne, October 5 (Agencies): India tsür, New Zealand senso kati nashi natzü bena aliba custom tem nem memetetdaktsüba ajanga New Zealand sen dollar 400 (USD 260) senchi achi.

La tayimtsü nungi aluli la ket nung nashi natzü bottle ana lir ta memetetdaktsüba ajanga Border official temi senchi achi.

“Ketdangsertemi la yangku reprangba mapanga mozü yanglutsü abenba nashi natzü pongdang ana angu,” ta Ministry for Primary Industries central region team manager for border clearance, Antony Owen-i ashi.

Owen-i, shiruru dak nungi agizüka yangluba mozü ajanga taneptsü anguba ajanga nisungtemi iba oset bener jajaba ashitsü amadoker, ta ashi.

Owen-isa, “Item ama oset ya sobaliba aser tamangba den sentaktepa lir koba alemli nungi mozü ama amshia arur. Ajisüaka aikati ibaji ano jangja memetetjem lir,” ta ashiba New Zealand-based 3 News ajanga metetdaktsü.