NZ tzükümi whale 100 aika adok

Wellington, February 11 (Agencies) : New Zealand anüolentip tsütsü Nelson tzüküm anasa ‘pilot whale’ noklang aika adokba ngua temulungertem, parnok nisung 100 aika adenshi item ango tulu taküm kümzükba mapa inyaka liasü, ta Honibarnü ketdangsertemi ashi.
Item ango ya metre trok talang aser tonne asem taret alir.
Temlungertemi item ango kümzüka ayutsü asoshi meranga inyakba mapang nisung telok tulu seneper parnok ajungmesoa nungit.
Kechiba item ango tulu ya tzükümi adokar ibaji bushisüngdangtsü asoshi scientist temi ano mapa metenzük.
New Zealand nung iba tatalokba ya mezüng Brihostibar nikongdang metetdaktsü, ajisüaka iba mapangji rescue operation tenzüktsü mapang tamajung liasü, ta osang ajanga metetdaktsü.
Tang kümzüka aliba whale temji mozü metetertem aser teyaritepertemi temokong agüja sadok sadoka yua lir.
February 2015 nunga iba tesem kasa nung whale 200 dak tema tzükümi adok aser item rongnungi tesadang ka shi asü.