NZP aser TZ tsüngda animal exchange agi

Dimapur, January 14 (TYO) : January 14, 2017 nü Nagaland Zoological Park Rangapahar-i Thiruvananthapuram Zoo den mezüngbuba ‘animal exchange programme’ takok ngua agiogo.
Nagaland Zoological Park nung teinyaktsü ajak inyakba sülen Kohima (tebong) aser Dimapur (tetsü) Asiatic Black Bear ana Dimapur Railway Station-i bener arua yutsü, ta Nagaland Zoological Park, Director, Sentichuba Aier-i sangdong ka nung metetdaktsü.
NZP-i agütsüba shirem anaji Kerala state kübok Thiruvananthapuram Zoo nung ayutsü, ta paisa shisem.
Animal Exchange programme kübok Thiruvananthapuram Zoo-i NZP nem Royal Bengal Tiger ana agütsü aser iba melena NZP-ia Asiatic Black Bear ana agütsür, ta Sentichuba Aier-isa sangdong nung metetdaktsü.

You must be logged in to post a comment Login