O lemtep mapang

Menden : Asenok tesenteper ajaki shilem agidi, alima nung mapa aser yimyatem yamai asü nunga koda ta o lemtepdi.
Tamanger : Ni tenzükdi, yimya agi Revival sülen tasüba arutsü shiner iba melena tasotsü ang shin nunga koda?
Yilar : Yi ya asen lima nung yanglu nunga koda?
Shishir : Assam nunger ya asen lima nungiang chiyungtsü oset ajak belen nunga koda?
Sensaker : Takari sensaker lenji alu nunga koda?
Nebur : Telok karidanga meyiper asenok nem saru agütsü nunga koda?
Tilar : Tuluri tilarji tenyatsü atema dang ta mebilem nunga koda?
Alokba : Adianu!! Polung ya asükwa ita nung-ang atang nungbo koda aika chitetla na!!
Talir : Shi alep dak ya seretbo mamshi moot agi dang temchi nunga koda?
Tongmelang : Anü mai sangwadang alinungbo light aruba maruba ya mejembila na talisa temekong lima nung alir atemabo.
Azümesen : Asenok sentepi moi Pastorba-ang kidangi aru nung koda jungla!
Nüchi : Alima nung nisung ajak ya meimchir kümtet nung koda?
Meruru-er : Dimapur ya küm tepiyong mokonga dang ali nungbo ano koda raktepla!!
Menden : Ya sür mapa küma aotsü merangdi.

Lilir : K. Kilang Ajem, Indisen, Dimapur.