OBALA ANOGO

– Talitemjen Imchen

Tetenzük nung Kibubai Tebur ka yanglu.
Asem rongnunga tebusa tama züngsem.
Ayazüba shisatsü talang rongnunga talang.
Obala nem aküm agütsütsü pa sempeti sayur.
Tanü obala anogo nü Chuba korang semtsüdi.

Kibong nung khen khen rongnung adokdang,
Ain madoki süngjema süneptsütetsang obala.
Bendang lima wadangtem balala nung noktaker,
Konang bener kidangi menerema shilangtetsang.
Teburchi obalabo kecha dena memedemdangtet.

Asüng kechi ajurutsü memetet ni alangaka’
Tabensa taküm obalaibo rajemdaktsütet.
Alima den sako ni tain kümdaktsünü dang,
Obalabo aonungtemi anüngdangtem melenjaa,
Aiben machi majem arema wadang nokdak.

Tanü obala aliyong kü taküm alangzük.
Iba lima nung obala sayutsüngi mali asübo,
Taküm rangdong mali kong kechi kümer lila’
Ni asoshi obala ajunglenbo zünger mezüngma.
Kibubai obala nembo tajungtiba moajangma.
Olong ratet : –
1.    Asem        : –     Tebu, techir aser tanüla temeshi.
2.    Chuba korang    : –     Alima nung korang tulutiba.
3.    Rangdong        : –     Nükrangdong.
4.    Yangluba küm    : –    June 2007.
Sangro ratet: –
1.    Tekong ka jagi tebu ka jenjang aser meraküt sayur.
2.    Tekong ana jagi tebu ka ji obendanger aser nokinketer mesük ta sayur.
3.    Tekong asem jagi tebu kaji tarutsü indang meteter aser tarutsü lanu putu asoshi alima tasenba yangluloktsü meranga inyakba sayur.
4.    Taküm ka tim lenmang nung jajatettsü tebu ka sayutsüngi nüngdaker. Tebui tim lenmang tajung sayutetba nung tanü ni noktaka lir. Iba jagi ni Tsüngrem tenüngsanga  kübu meimer.
Meteta Yudi: -Tanü shirnok tebu mali, alimar yimya asünung nemjema melili.  Tebu ta asüba meliaka, taküm ka shi nung aser tanela nung abensaa aintsü asoshi sayusakor (advisor) nüngdaker. “Tebu ka denbo sayusakor tajung ka taoba.” Sayusakor tajung nai shimtetra, alima nung na/ni ji tobur junga intet aser taso shia litet. Tsüngremi tebutem ajak moajangma.