Obama African-American museum lapoktsü

National Mall, Washington nung African-American History & culture indang Smith sonian Museum lapokba mapang US Tir Barack Obama aser tesüiba mapang first lady, Laura Bush na anasa First lady Michelle Obama (tiyong)-i tesüiba mapang US Tir  George W. Bush dak azüitba noksa nung angur.

Washington, September 25 (Agencies) : Tanak nisung rongnungi US nung mezüngbuba Tir, Barack Obama-i African-American indang mezüngbuba US national museum Washington DC nung lapoktsüogo.
Barack Obama-i, “Sen million dollar 540 (£415m) alang museum yagi asenok nüjiso atema raraba bilemtetdaktsür, ta ashi.
Washington National Mall nung amenoka aliba iba museum ya Britain nunger architect David Adjaye-i design asüba lir, ta BBC osang ajanga metetdaktsü.
Iba museum yanglutsü latetba bill nung 2003 küm nung sign asüsang George W. Bush-a iba senong nung Obama den külemi aden.
Musuem lapokba sentong nung jembiba mapang Obama-i, “Iba tesem yagi arua nenok agency indang tashi reprangang,” ta African-American nunger dang ayongzük.
“America linükji ajak nung tetemsü ta ashir masü, saka iba linük yagi tetsükdaktsü aika ajangteta aruba den nüburtem atema bendanga agüja inyaker aser ano tajungba akümtsü,” ta Obama-i ashiba BBC osang ajanga metetdaktsü.
Sentong nung Bush aser kinungtsü, Laura naprongi o jembi. Tena o jembiba sülen Stevie Wonder-i “Where Is Our Love” ken aten.
Ken tenzükli Obama-i America nung tanak nisungtem meyong Arogo tain rongnung ka indang sentep tsüngtsüng tema iba museum lapoktsü.
Iba museum nung oset 36,000 yua lir aser item rongnung 1920s mapang Africa nung alartem alitsü asoshi amshiba osettem aser rock’n’roll kentener Chuck Berry meyong asüba red Cadillac convertible gari dena lir.