Obama-i Indiatsür Swati ADB director shimogo

 

Washington, November 20 (Agencies): United States Tir Barack Obama-i US nung senso süa alir, India tsür, Nagpur aser Bombay University nungi züngtetla, Swati A. Dandekar, United States nung Asian Development Bank director shima la nem ambassador jenjang agütsüogo.

Swati A. Dandekar ya Robert M. Orr melena shimba lir aser iba osang den külemi ano ketdangsüba mapa balala ti nung nisüng tasen shimkokba osang White House ajanga metetdaktsü.

“America nung tebilemtsü alibatem parnok ama inyakdanga alir aser meranga inyaker nisungtem teyari ajanga kokteta bener aotsü kü tamang aser timla. Parnoki linük tenzüktsü agizükba asoshi kanga pelar. Ni parnok den külemi inyaktsü kanga yonga adar,” ta Obama-i ashi.

Dandekar ya Nagpur University nung azüng aser ano Bombay University nungi Post-Graduate Diploma agi. La ya taoba mapang Iowa state nungi MLA liasü. Iba den külemi la Iowa Utilities Board nunga züngsem ka liasü ta White House biography nung shia lir.

Lai Iowa Utilities Board nung 2011 nungi 2013 tashi inyaka liasü. Iba board nung maden tsüngda la Iowa State Senate nung 2009 nungi 2011 tashi liasü aser iba jakdang Iowa State House of Representatives ka ama 2002 nungi 2008 tashi liasü.

2000 nungi 2003 tashi la Vision Iowa Board of Directors nung züngsem liasü.

Linn-Mar Community School District Board of Education nunga Dandekar-i 1996 nungi 2002 tashi inyak aser 2000 nungi 2002 tashi Iowa Association of School Boards nunga züngsem ka ama liasü.